2016နှစ် နှင့်ခေါင်းဆောင်သစ် အံ့အားသင့်ဖွယ်ရာ မြန်မာပြည်ကနေ ယူရမယ့် သင်ခန်းစာ by Rena Pederson

အံ့အားသင့်ဖွယ်ရာ မြန်မာပြည်ကနေ ယူရမယ့် သင်ခန်းစာ
by Rena Pederson

အားလပ်ရက် အပန်းဖြေကာလတွေ အဆုံးသတ်ချိန်၊ အမေရိကန် သမ္မတလောင်း ရွေးချယ်ပွဲလှုပ်ရှားမှုတွေအရှိမြင့်လာချိန်မှာတော့ ကမ္ဘာကြီးရဲ့ အခြားတစ်ဖက်က ခေါင်းဆောင်တစ်ယောက်ရဲ့ နမူနာကိုကြည့်ဖို့ အချိန်ကောင်း ရောက်လာပါပြီ။ အဲဒါ မြန်မာပြည်ပါ။

ဘာ့ကြောင့် မြန်မာပြည်ကို ရွေးချယ်ရတာလဲ။ လာမယ့် မတ်လမှာ လွှတ်တော်ကိုဦးဆောင်ဖို့ မြန်မာပြည်က ဒေါ်အောင်ဆန်းစုကြည်ဟာ ပြင်ဆင်နေပါပြီ။ သူ့ရဲ့ အမျိုးသားဒီမိုကရေစီအဖွဲ့ချုပ်ဟာ ပြီးခဲ့တဲ့ ဆောင်းဦးပေါက်က ရွေးကောက်ပွဲမှာ ၈ဝ%နီးပါးနဲ့ အံ့သြဖွယ်ရာ အနိုင်ရခဲ့လို့ပါပဲ။

၁၉၈၈ခုနှစ်ကတည်းကနေ စစ်အုပ်ချုပ်ရေးကို ဆန့်ကျင်တဲ့လှုပ်ရှားမှုကြီးကို ဦးဆောင်ခဲ့တဲ့ နိုဗယ်ငြိမ်းချမ်းရေးဆုရှင်ရဲ့ ခံစားချက်တွေကို မှန်းဆကြည့်မယ်ဆိုရင် အပျော်၊ စိတ်သက်သာရာရမှုနဲ့ မောပန်းနွမ်းနယ်မှုတွေကို မြင်တွေ့ရမှာပါ။ သူမဟာ နေအိမ်အကျယ်ချုပ်အဖြစ်နဲ့ ၁၅နှစ်ကျော်ကြာ နေထိုင်ခဲ့ရပါတယ်။ ရွေးကောက်ပွဲအနိုင်ရပြီးတဲ့နောက်မှာ ပထမဆုံး ဘာတွေများ လုပ်ဆောင်မှာပါလဲ။

ပထမဆုံးကတော့ သူမဟာ တရားထိုင်ပါတယ်။ အတွေးတွေ တည်ငြိမ်သွားစေဖို့နဲ့ မဲဆွယ်စည်းရုံးရေးကာလတစ်လျှောက်လုံး အပင်ပန်းခံခဲ့ရလို့ ကုန်ခမ်းသွားတဲ့ အားအင်တွေ အသစ်တစ်ဖန်ဖြစ်ရေး လုပ်ဖို့ပါ။ အကြံပေးတွေ၊ ဝေဖန်သူတွေရဲ့ ရာပေါင်းများစွာသော လမ်းကြောင်းတွေနဲ့ ရှုပ်ထွေးပွေလီနေမယ့် ကာလအခိုက်အတန့်ကို ဖြတ်သန်းဖို့ဆိုရင် ခေါင်းဆောင်လုပ်သူတွေဟာ သေသေချာချာ စဉ်းစားရမယ့်အချိန်တွေ လိုပါတယ်။ ရေတွင်းကိုပြည့်အောင် ဖြည့်ရပါမယ်။ သူတို့အချိန်လိုပါတယ်။ အဲဒီအတွက်လည်း ယူကိုယူရမှာပါ။

ဒုတိယအနေနဲ့ကတော့ ဒေါ်အောင်ဆန်းစုကြည်ဟာ အမှိုက်ကောက်တဲ့လှုပ်ရှားမှုကို ဦးဆောင်ပြီး လူထုအားလုံးပါဝင်လာအောင် လုပ်ခဲ့ပါတယ်။ အသက် ၇ဝအရွယ် အမျိုးသမီးကြီးတစ်ယောက်ဟာ ပလက်စတစ်အိတ်ကိုလက်မှာစွပ်ပြီး အမှိုက်သရိုက်တွေကို ကောက်ယူဖို့ အားလုံးကို ပူးပေါင်းကြဖို့ တိုက်တွန်းခဲ့ပါတယ်။ သူအမှိုက်ကောက်တာကို ဓာတ်ပုံရိုက်တဲ့ သတင်းထောက်တွေကိုကောင် အမှိုက်ကူကောက်ဖို့ ပြောခဲ့ပါသေးတယ်။ ဒါဟာ ဂန္ဓီကြီးစတိုင်လ်ပါပဲ။ ကျမတို့ရဲ့ပြဿနာတွေအများကြီးတွေထဲက ကိစ္စတွေကို ဒေါ်အောင်ဆန်းစုကြည်က လူတိုင်းဟာ ပြိုလဲနေတဲ့သူတို့တိုင်းပြည်ကို ပြန်လည်တည်ဆောက်ဖို့ တာဝန်ရှိတယ်လို့ ယူဆပါတယ်။ ဒေါ်စုမှန်ပါတယ်။ သူဟာ ပြုပြင်ပြောင်းလဲရမယ့် နိုင်ငံရဲ့ရုပ်ပုံလွှာပါ။ ဒါပေမယ့် သူတစ်ယောက်တည်းတော့ မလုပ်နိုင်ပါဘူး။

တတိယအနေနဲ့ လက်ရှိအာဏာဆုတ်ကိုင်ထားသူတွေနဲ့ တွေ့ဆုံဖို့ ကမ်းလှမ်းခဲ့ပါတယ်။ စစ်အစိုးရလက်ထက် သူမကို နှစ်ပေါင်းများစွာ ဖမ်းဆီးချုပ်နှောင်ထားတဲ့ကာမှာ စစ်ခေါင်းဆောင်တစ်ယောက်ဖြစ်ခဲ့တဲ့ လက်ရှိသမ္မတ ဦးသိန်းစိန်နဲ့စကားပြောဖို့ ကမ်းလှမ်းခဲ့သလို တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့လည်း တွေ့ခဲ့ပါတယ်။ သီးခြားစီတွေ့ဆုံမှုဟာ ပူးပေါင်းဆောင်ရွက်ကြဖို့ သဘောတူညီမှုတွေ ရခဲ့ပါတယ်။

ဒေါ်အောင်ဆန်းစုကြည်ဟာ မြန်မာပြည်ကို ဆယ်စုနှစ်၂ခုကြာ ချုပ်ကိုင်ခဲ့တဲ့ စစ်အာဏာရှင်ကြီး ဗိုလ်ချုပ်မှူးကြီးဟောင်းသန်းရွှေနဲ့လည်း တွေ့ခဲ့ပါတယ်။ အဲဒီအာဏာရှင်ကြီးဟာ ဆိုင်ကလုန်းကြောင့်ဒုက္ခရောက်ခဲ့သူ သန်းပေါင်းများစွာကို ပေးအပ်မယ့်အကူအညီတွေကို ဟန့်တားခဲ့သူ၊ လက်နက်မဲ့ ရဟန်းသံဃာတော်တွေကို တိုက်ခိုက်ခဲ့သူ၊ တိုင်းရင်းသားကျေးရွာတွေကို ဖျက်စီးခဲ့သူပါ။

အိုမင်းမစွမ်းဖြစ်နေပြီဖြစ်တဲ့ အာဏာရှင်ဟောင်းကြီးဟာ သူနဲ့သူ့မိသားစုအပေါ် ဒေါ်အောင်ဆန်းစုကြည်က ကလဲ့စားချေလိုစိတ်ရှိမရှိ စမ်းသပ်ချင်ပုံရပါတယ်။ သေချာတာကတော့ အဲဒီလိုမဖြစ်တဲ့အပြင် တိုင်းပြည်ပြန်လည်တည်ဆောက်ရေးအတွက် တပ်မတော်ကို ဖိတ်ခေါ်ခဲ့ပါတယ်။ ဒေါ်အောင်ဆန်းစုကြည်ဟာ တောင်အာဖရိကနဲ့ ချက်ကိုစလိုဗက်ကီးယားနိုင်ငံတွေမှာ ပေါ်ပေါက်ခဲ့တဲ့ အမျိုးသားပြန်လည်ရင်ကြားစေ့ရေးလုပ်ငန်းစဉ်တွေကို နေအိမ်အကျယ်ချုပ်ကာလတွေမှာ သေသေချာချာ လေ့လာခဲ့ပုံရပါတယ်။ အကြမ်းဖက်မှုနဲ့ လက်တုံ့ပြန်မှုတွေဟာ ပိုဆိုးတဲ့အကြမ်းဖက်မှုတွေကိုပဲ ဖြစ်စေတယ်ဆိုတာ နားလည်ခဲ့ပုံ ရပါတယ်။ အခုတော့ အာဏာကိုရတော့မယ့် ဒေါ်အောင်ဆန်းစုကြည်ဟာ လူတွေကို ခွင့်လွှတ်ကြဖို့ ဆော်သြနေပါတယ်။

စတုတ္ထအနေနဲ့ ဒေါ်စုဟာ တိုင်းရင်းသားခေါင်းဆောင်တွေနဲ့ တွေ့ဆုံခဲ့ပြီး အစိုးရအဖွဲ့ထဲမှာ တိုင်းရင်းသားတွေရဲ့အသံတွေ ပါဝင်လာဖို့ အာမခံချက် ပေးခဲ့ပါတယ်။ စားပွဲပေါ်မှာဆွေးနွေးတဲ့ နေရာချထားမှုတွေဟာ ကြားဖို့သင့်နေပါပြီ။ နှစ်ပေါင်း ၆ဝကျော်ဖြစ်ပွားနေတဲ့ မြန်မာပြည်က တိုင်းရင်းသားလူမျိုးစုများနဲ့ အစိုးရအဆက်ဆက်ကြားက သွေးမြေကျခဲ့တဲ့ ပြည်တွင်းစစ်ကြီး ရပ်တန့်သွားဖို့ ဖြေရှင်းမှု လိုနေပါတယ်။ ဒါပေမယ့် အားလုံးပါဝင်မှုကို လေးစားရပါမယ်။ တွေ့ဆုံဆွေးနွေးဖို့တံခါးတွေကို ဖွင့်ပြီး ဆွေးနွေးမှုတွေကပဲ အပြောင်းအလဲလမ်းကြောင်းကို ဖော်နိုင်မှာပါ။ ဒီဖြစ်စဉ်နဲ့ တော်တော်လေး ရှုပ်ထွေးပေမယ့် အခြားနည်းလမ်းကတော့ ပိုဆိုးစေမှာ အမှန်ပါပဲ။

ဟုတ်ပါတယ်။ ဒေါ်အောင်ဆန်းစုကြည် လုပ်ခဲ့တာ၊ မလုပ်ရသေးတာတွေနဲ့ ပတ်သက်ပြီး ဝေဖန်တဲ့အသံတွေကတော့ ဆက်ပြီးရှိနေမှာပါ။ စိုးရိမ်ပူပန်ကြတာကတော့ တိုင်းပြည်အုပ်ချုပ်ဖို့ လိုအပ်တဲ့အင်အားတစ်ရပ် သူ့မှာ မရှိမှာကိုပါ။ ဘာ့ကြောင့်လဲဆိုတော့ ဒေါ်စုရဲ့အနီးကပ်ဆုံး အဝန်းအဝိုင်းက သေးငယ်သလို သူမရဲ့သဘာဝကလည်း ခက်ခဲတတ်လို့ပါ။ ဒေါ်အောင်ဆန်းစုကြည် သမ္မတဖြစ်လာဖို့ကို လက်ရှိဖွဲ့စည်းပုံအခြေခံဥပဒေရဲ့ တားဆီးပိတ်ဆို့မှုကို ဘယ်လိုကျော်ဖြတ်ရမလဲဆိုတာကလည်း မသေမချာမရေမရာပါ။ ဒါပေမယ့် တိုက်ရိုက်ပဲဖြစ်ဖြစ် သွယ်ဝိုက်ပြီးတော့ပဲဖြစ်ဖြစ် ဒေါ်အောင်ဆန်းစုကြည်ဟာ ခေါင်းဆောင်ကြီးဖြစ်နေပါပြီ။ လုပ်ရမှာတွေကတော့ -
- တစ်ခုခုလုပ်တော့မယ်ဆိုရင် အချိန်ယူပါ၊ အကြံဉာဏ်တောင်းခံပါ
- ပြဿနာတွေကိုဖြေရှင်းဖို့ လူများများလိုပါတယ်
- ပြိုင်ဘက်တွေနဲ့ တံတားထိုးပါ။ အေဗရာဟင်လင်ကွန်းလုပ်ခဲ့သလိုပေါ့
- မတူညီတဲ့နောက်ခံတွေရှိတဲ့လူတွေ ပါဝင်လာဖို့ နေရာကိုကျယ်ကျယ်ဝိုင်းပါ

ပန်းတိုင်တွေအကြောင်းပြောရတာ လုပ်ရတာထက် ပိုလွယ်ပါတယ်။ မြန်မာပြည်အတွက်တော့ ခြွင်းချက်ဆိုတာ မရှိပါဘူး။ အမေရိကန်ရွေးကောက်ပွဲဆိုတာ ပုဂ္ဂိုလ်ရေးတိုက်ခိုက်မှုတွေနဲ့ အထူးအကျိုးစီးပွားတွေ ပြည့်လျှံနေတတ်တာနဲ့ ဆန့်ကျင်ဖက်ဖြစ်တဲ့ မြန်မာပြည်က ရွေးကောက်ပွဲက ကြိုဆိုရမယ့်ကိစ္စပါ။
ဒီမိုကရေစီနဲ့ တရားဥပဒေစိုးမိုးရေး ဝိရောဓိဖြစ်နေတဲ့ ကမ္ဘာကြီးမှာ အားလုံးအတွက် နမူနာကောင်းတစ်ခုလိုအပ်နေပါတယ်။ အာဏာရှင်အစိုးရတွေဆီကနေ တာဝန်လွှဲပြောင်းတွေ ငြိမ်းငြိမ်းချမ်းချမ်းဖြစ်ပြီး ဒီမိုကရေစီခေါင်းဆောင်က ခွင့်လွှတ်ကြဖို့၊ အားလုံးပါဝင်ဖို့နဲ့ ဥပဒေစိုးမိုးရေးပြောတဲ့ ဖွံ့ဖြိုးဆဲနိုင်ငံတွေ ဘယ်လောက်များများရှိနေပါသလဲ။

ဒါဟာ ၂ဝ၁၅ခုနှစ်ရဲ့ ရှားရှားပါးပါးအောင်ပွဲနဲ့ ၂ဝ၁၆ခုနှစ် အသွင်ကူးပြောင်းရေးကိစ္စ ဖြတ်သန်းနေတဲ့ မြန်မာပြည်ဆိုတာ အတိအကျပါပဲ။

[ဆောင်းပါးရှင် Rena Pederson ဟာ အမေရိကန်ပြည်ထောင်စု နိုင်ငံခြားရေးဝန်ကြီးဌာနရဲ့ မိန့်ခွန်းရေးသားခဲ့သူတစ်ယောက် ဖြစ်ခဲ့ပြီး The Burma Spring စာအုပ်ရေးသူလည်းဖြစ်ပါတယ်။ ဒီဆောင်းပါးကို The Huffingtonpost စာမျက်နှာမှာ ဖော်ပြထားပါတယ်]