ရပ်ကွက်အုပ်ချုပ်ရေးမှုးရွေးပုံအဆင့်ဆင့်

ရပ်ကွက် သို့မဟုတ် ကျေးရွာအုပ်စုအုပ်ချုပ်ရေးမှူးများ ရွေးချယ်ခြင်း မှန်ကန်မျှတ ရှိစေရန် NLD ပါတီဝင်များ နှင့် ပြည်သူအားလုံး ဝိုင်းဝန်းထိမ်းကျောင်း ပေးဖို့
ဆရာ နေဘုန်းလတ် မှ တိုက်တွန်း

Credit : Sithu Maung
===========================================
တိုင်းပြည်တစ်ခုထဲက အုပ်ချုပ်ရေးမဏ္ဍိုင်ရဲ့ အခြေခံအကျဆုံးဖြစ်တဲ့ ရပ်ကွက် သို့မဟုတ် ကျေးရွာအုပ်စုအုပ်ချုပ်ရေး နဲ့ပတ်သက်တဲ့ အရေးကြီးကိစ္စတစ်ခုကို တင်ပြချင်ပါတယ်။

ရပ်ကွက်တွေ၊ ကျေးရွာအုပ်စုတွေမှာ ရပ်ကွက် သို့မဟုတ် ကျေးရွာအုပ်စုအုပ်ချုပ်ရေးမှူးး ရွေးချယ်မှုတွေကို လာမယ့် ဇန်နဝါရီလအတွင်းပြုလုပ်သွားတော့မှာဖြစ်ပြီး တာဝန်ရှိတဲ့ ပြည်ထဲရေးဝန်ကြီးဌာနက လုပ်ငန်းစဉ်တွေကို စတင်နေပြီ ဖြစ်ပါတယ်။
ဒီလို ရပ်ကွက်သို့မဟုတ် ကျေးရွာအုပ်စုအုပ်ချုပ်ရေးမှူး ရွေးချယ်ရေးလုပ်ငန်းစဉ်မှာ အရေးအကြီးဆုံးကတော့ ကြီးကြပ်ရေးအဖွဲ့ဖြစ်ပြီး အဲဒီ့ကြီးကြပ်ရေးအဖွဲ့ကို ဖွဲ့စည်းပေးဖို့တာဝန်ရှိသူကတော့ မြို့နယ်အုပ်ချုပ်ရေးမှူးပဲဖြစ်ပါတယ်။

ဒီလမကုန်ခင် ကြီးကြပ်ရေးအဖွဲ့တွေအကုန်ဖွဲ့မှာဖြစ်ပြီး နောက်လ ဇန်နဝါရီအတွင်းမှာ အုပ်ချုပ်ရေးမှူးတွေအပြီးသတ် ရွေးချယ်မှာဖြစ်ပါတယ်။
ရပ်ကွက် သို့မဟုတ် ကျေးရွာအုပ်စု အုပ်ချုပ်ရေးဥပဒေနဲ့ နည်းဥပဒေတွေကို လေ့လာကြည့်တဲ့အခါ ရပ်ကွက် သို့မဟုတ် ကျေးရွာအုပ်စုအုပ်ချုပ်ရေးမှူးရွေးချယ်ခန့်အပ်တာဝန်ပေးခြင်းလုပ်ငန်းစဉ်တွေကို အခုလိုတွေ့ရပါတယ်။

ရပ်ကွက် သို့မဟုတ် ကျေးရွာအုပ်စုအုပ်ချုပ်ရေးဆိုင်ရာနည်းဥပဒေ
အခန်း(၂) ကြီးကြပ်ရေးအဖွဲ့ဖွဲ့စည်းခြင်းနှင့် လုပ်ငန်းတာဝန်များ
ကြီးကြပ်ရေးအဖွဲ့
ဖွဲ့စည်းရခြင်းရည်ရွယ်ချက် - ရပ်ကွက် သို့မဟုတ် ကျေးရွာအုပ်စုအုပ်ချုပ်ရေးမှူးရွေးချယ်ရာတွင် ကြီးကြပ်နိုင်ရေး
ဘယ်သူ့ကဖွဲ့ပေးမလဲ - မြို့နယ်အုပ်ချုပ်ရေးမှူးမှဖွဲ့စည်းမည်
ဘယ်သူတွေပါဝင်မလဲ - အများကြည်ညိုလေးစားပြီး သြဇာတိက္ကမရှိသည့် ရပ်မိရပ်ဖ ငါးဦး
(အုပ်ချုပ်ရေးမှူးရွေးချယ်တဲ့လုပ်ငန်းစဉ်တစ်ခုလုံးမှာ ကြီးကြပ်ရေးအဖွဲ့ဖြစ်တဲ့ အဲဒီ့ ရပ်မိရပ်ဖငါးဦးဟာ အရေးအကြီးဆုံးဖြစ်တာကြောင့် အဲဒီ့ကြီးကြပ်ရေးအဖွဲ့ဖွဲ့စည်းတဲ့နေရာမှာ ပွင့်လင်းမြင်သာမှုရှိဖို့နဲ့ ပြည်သူလူထုဆန္ဒနဲ့ကိုက်ညီသောသူတွေပါဝင်ဖို့ အရေးကြီးလှပါတယ်)

ကြီးကြပ်ရေးအဖွဲ့၏လုပ်ငန်းတာဝန်များ
- ရပ်ကွက်အတွင်း အများဆုံး အိမ်ထောင်စုဆယ်စုပါဝင်သော ဆယ်အိမ်စုများဖွဲ့စည်း၊
- ဆယ်အိမ်စုတစ်စုစီအတွက် ဆယ်အိမ်စုကိုယ်စားလှယ်တစ်ဦးစီကို ဆယ်အိမ်စုအတွင်းရှိ အသက်၁၈နှစ်ပြည့်ပြီးသူ အိမ်ထောင်ဦးစီး (သို့) အိမ်ထောင်စု ကိုယ်စားလှယ်များမှ လျှို့ဝှက်ဆန္ဒမဲဖြင့်ရွေးချယ်၊
- ရွေးချယ်ပြီးသော ဆယ်အိမ်စုကိုယ်စားလှယ်များကို ကြီးကြပ်ရေးအဖွဲ့မှ စိစစ် ၊ ပုံစံ (က) တွင် အမည်စာရင်းပြုစု၊
- အရွေးချယ်ခံရသော ဆယ်အိမ်စုကိုယ်စားလှယ်များမှ မိမိတို့အနက်မှ ရပ်ကွက် သို့မဟုတ် ကျေးရွာအုပ်စုအုပ်ချုပ်ရေးမှူး အဖြစ် ခန့်အပ်တာဝန်ပေးရန် သင့်လျှော်သောသူကို ကြီးကြပ်ရေးအဖွဲ့သို့ အဆိုပြု။ အဆိုပါအမည်စာရင်းကို ကြီးကြပ်ရေးအဖွဲ့မှ ပုံစံ(ခ) ဖြင့် ပြုစု။

- အဆိုပြုခံရသူများထဲမှ တစ်ယောက်ကို ဆယ်အိမ်စုကိုယ်စားလှယ်များမှ လျှို့ဝှက်မဲပေးရွေးချယ်။ ရရှိသော မဲစာရင်းကို ပုံစံ(ဂ) ဖြင့်ထိန်းသိမ်း၊ (ရပ်ကွက်နေပြည်သူအားလုံးက မဲပေးရွေးချယ်ရမှာမဟုတ်ပဲ ဆယ်အိမ်စုကိုယ်စားလှယ်များကသာ မဲပေးရွေးချယ်ရမှာကို သတိပြုရပါမယ်)

- မဲအများဆုံးရသူ၏ အမည်စာရင်းကို ပုံစံ(ဃ) ဖြင့်ပြုစုပြီး ကိုယ်ရေးအချက်အလက်နှင့်တကွ မြို့နယ်အုပ်ချုပ်ရေးမှူးထံ တင်ပြ။
အခန်း(၃)
ရပ်ကွက် သို့မဟုတ် ကျေးရွာအုပ်စုအုပ်ချုပ်ရေးမှူးခန့်အပ်တာဝန်ပေးခြင်း
- ကြီးကြပ်ရေးအဖွဲ့မှ တင်ပြသောပုဂ္ဂိုလ်ကို စိစစ်ပြီး အရည်အချင်းနှင့်ပြည့်စုံပါက ခရိုင်အုပ်ချုပ်ရေးမှူးထံ တင်ပြ အတည်ပြုချက်ရယူ၍ ခန့်အပ်တာဝန်ပေး
ဒီအဆင့်တွေကတော့ ရပ်ကွက် သို့မဟုတ် ကျေးရွာအုပ်စုအုပ်ချုပ်ရေးမှူးတစ်ဦးကို ရွေးချယ်တင်မြှောက် ခန့်အပ်တာဝန်ပေးတဲ့အဆင့်တွေပါပဲ။

နောက်အစိုးရမတက်ခင်မှာ ရပ်ကွက် သို့မဟုတ် ကျေးရွာအုပ်စုအုပ်ချုပ်ရေးမှူးတွေကို အပြီးခန့်အပ်သွားမှာဖြစ်တဲ့အတွက် ဒီလိုရွေးချယ်ခန့်အပ်ရေးဖြစ်စဉ်တစ်ခုလုံးဟာ ဒီမိုကရေစီနည်းလမ်းကျဖို့နဲ့ ပြည်သူလူထုသဘောဆန္ဒအတိုင်းဖြစ်စေဖို့ ဝိုင်းဝန်းထိန်းကျောင်းတည့်မတ်ပေးရမယ့် တာဝန်ဟာ ပါတီဝင်များနဲ့ နိုင်ငံသားအားလုံးမှာ ရှိတယ်လို့ယူဆပါတယ်။

ဒါကြောင့် အားလုံးပဲ တတ်နိုင်သမျှ ပူးပေါင်းပါဝင်ထိန်းကျောင်းကြဖို့ မေတ္တာရပ်ခံလိုပါတယ်။